Karvani i shkrimtarëve këtë vit e nisi rrugëtimin nga biblioteka “Hivzi Sulejmani” e Prishtinës me organizimin e një otre letrare, pikërisht në përvjetorin e vdekjes së shkrimtarit të njohur Arif Demolli me ç’ rast u promovua libri i tij “ Martesa e bretkosave”, botuar nga shtëpia botuese “Faik Konica”.
Fjalën e hapjes e mbajti shkrimtari Xhevat Syla, i cili foli për vlerat letrare të librit.
Drejtori i bibliotekës, Munish Hyseni, në fjalën e tij theksoi:- “ Arifi nuk la amanete, nuk tha lexomëni, ai la veprat e tij të cilat do të lexohen sot e mot”. Shkrimtarët lexuan pjesë nga veprimtaria e tyre, një pjesë e të cilave iu kushtua Arif Demollit. Të pranishëm ishin familja, miqtë e tij, stafi i bibliotekës dhe nxënësit e shkollës “Xhemail Mustafa”.