Me përkrahjen e Drejtorisë për Kulturë, Rini dhe Sport të Komunës së Prishtinës, një grup i punëtorëve të bibliotekës “Hivzi Sulejmani” të Prishtinës mori pjesë në Panairin e librit Tirana 2015, që është ngjarja më e rëndësishme kulturore e librit në trojet shqiptare. Panairi u mbajt me11-5 nëntor 2015.
Ky panair bashkoi të gjithë njerëzit që merren me letrat shqipe: autorët, botuesit, lexuesit, përkthyesit, përfaqësuesit e shtypit dhe të medias etj, me synimin për të krijuar e zhvilluar kontakte tradicionale midis tyre, duke synuar promovimin dhe nxitjen e leximit në masat e gjera, veçanërisht te të rinjtë.
Në këtë Panair biblioteka u pasurua me tituj më të rinj të botuar vitin e fundit, si nga letërsia shqipe ashtu edhe nga letërsia e huaj për të plotësuar kërkesat e lexuesve të kryeqytetit.