Nxënësit e shkollës "Gjergj Fishta" vizituan bibliotekën Përkujtimore ku u njoftuan me punën dhe aktivitetet që organizohen në këtë degë të bibliotekës “Hivzi Sylejmani”.
Udhëheqësja e grupeve Bukurije Demolli bëri prezantimin e aktiviteteve dhe mënyrën e anëtarësimit në bibliotekë. Mësueset shprehën interesim që nxënësit e tyre të bëhen sa më parë anëtarë të bibliotekës.
Nxënësit realizuan disa aktivitete duke krijuar një ambient shumë të bukur në bibliotekë. Ata recituan, kënduan, realizuan pjesë teatrale dhe lexuan pjesë nga librat që zgjodhën sipas dëshirës.