Sot, në trevjetorin e shkuarjes nga kjo jetë të Arif Demollit, në hapësirat e bibliotekës u bë promovimi i librit: Arif Demolli mes dhimbjes, gazit e mrekullisë (Të tjerët për Arif Demollin).
Është libër dëshmi e vlerësimit të letërsisë me tekste të botuara në gazeta, revista apo edhe në studime letrare nga shkrimtarë, studiues e kritikë letrarë.
Për librin folën Skënder Zogaj, Munish Hyseni dhe Nergize Demolli bashkëshortja e shkrimtarit. Promovimin e librit e udhëhoqi Xhevat Syla.
Arif Demolli krijoj mbi tridhjetë vepra letrare të gjinive dhe llojeve të ndryshme si tregime, skica, romane, poezi, pjesë teatrale etj., e krahas tyre hartoj libra shkollor, përktheu autorë të ndryshëm nga letërsia botërore, shkroi recensione e kritika letrare dhe tekste këngësh.