Më, 2 prill 2021 (e premte), në ora 12:00, Biblioteka “Hivzi Sulejmani” e Prishtinës në bashkëpunim me organizatën “ETEA” dhe “Karvanin e shkrimtarëve”, organizojnë manifestimin tradicional “Dita Ndërkombëtare e Librit për Fëmijë dhe të Rinj.
Aktiviteti mbahet në objektin e bibliotekës në lagjen Dardani.
Përmbajtja:
- Leximi i mesazhit “Muzika e fjalëve” sponsoruar nga SHBA-ja me autor Margarita Engle, përkthyer në gjuhën shqipe nga Fatime Mehmetaj;
- Paraqitja e Karvanit të Shkrimtarëve me pjesë nga veprimtaria e tyre;
- Shpallja e tri eseve më të mira nga konkursi letrar, përzgjedhur nga juria profesionale;
- Leximi i tri eseve fituese para audiencës;
- Promovimi i librit “Librat na qetësojnë” me ese nga konkursi paraprak i nxënësve të shkollave të komunës së Prishtinës.
Ky manifestim përkrahet nga Drejtoria e Kulturës e Komunës së Prishtinës.