Nxënësit e shkollës “Naim Frashëri” sot vizituan degën “Biblioteka Përkujtimore” ku u njoftuan me veprimtarinë dhe aktivitetet që organizohen gjatë vitit me lexuesit e bibliotekës. Bukurije Demolli, organizatore e aktiviteteve u tregoi se për të nxitur dashurinë për librin dhe leximin në bibliotekë ka aktivitete të ndryshme si: lexim dhe komentim i librit, takime me krijues, mësimi i gj. angleze, vizatime, punë dore etj.
Gjatë qëndrimit të tyre në bibliotekë bashkërisht u realizuan tri aktivitete: leximi dhe komentimi i disa tregimeve, gjëegjëza dhe krijimi i librave nga secili nxënës. Nxënësit u njoftuan edhe me mënyrën dhe rregullat e anëtarësimit në bibliotekë.