Biblioteka “Hivzi Sulejmani” dhe organizata “ETEA” si gjithmonë bëhen bashkë për t’i shënuar ngjarjet kulturore botërore që i dedikohen librit dhe kulturës së leximit.
Kësaj radhe, me përkrahjen e Komunës së Prishtinës, organizojmë manifestimin qendror me rastin e Ditës Ndërkombëtare të Librit për Fëmijë dhe të Rinj.
Fëmijë të dashur – merrni prindërit për dore – dhe ejani të festojmë së bashku për librin dhe diturinë – në Bibliotekën “Hivzi Sulejmani” (Lagja Dardania, Prishtinë), më 2 prill 2019 duke filluar nga ora 12:00.
Disa nga aktivitetet që do të organizohen në kuadër të këtij manifestimi janë, si në vijim:
- Leximi i mesazhit “Librat na qetësojnë” sponsoruar nga Lituania, përkthyer në gjuhë shqipe nga Selda Safqiu;
- Lexime të veprave letrare nga autorët e Karvanit të Shkrimtarëve për Fëmijë;
- Promovimi i Erinë Rrahmani, shkrimtare për fëmijë;
- Shpallja e tri eseve më të mira të fëmijëve nga juria profesionale e përbërë prej tre shkrimtarëve për fëmijë;
- Leximi i tri eseve fituese para audiencës;
- Botimi i librit “Ndriquesi i jetës” me ese të fëmijëve dhe shpërndarja e tij nëpër shkollat e Prishtinës;
- Koktej rasti, etj.