Me rastin e Javës së Bibliotekës në Kosovë, në ambientet e Bibliotekës “Hivzi Sulejmani” të Prishtinës, në praninë e shumë pjesëmarrësve, u hap ekspozita “Kujtesa e arsimit shqip në Kosovë të viteve 90-ta”.
Hapjen e bëri Bukurije Haliti nga Biblioteka Kombëtare e Kosovës.
Për ngjarjet të kësaj kohe, të cilat kanë lënë gjurmë në historinë e popullit tonë, folën z. Munish Hyseni, drejtor i bibliotekës “Hivzi Sulejmani” dhe Robert Montoya nga Universiteti i Kalifornisë në Los Anxheles.
Kjo ekspozitë përfshin tekste shkollore, botime (historike, letrare), gazeta dhe revista, programe shkollore (akte normative, dokumentacion pedagogjik), fotografi të objekteve shtëpi – shkolla, nxënësve, profesorëve, stafit etj..
Ekspozita do të qëndroi e hapur deri më 2 qershor 2023.