Një grup parashkollorësh nga Institucioni parashkollor “ALA” , nën përcjelljen e edukatoreve, vizituan bibliotekën “Hivzi Sylejmani” të Prishtinës.
Ajshe Salihu-librare, i priti me dashamirësi dhe i njoftoi ata me punën , aktivitetet, mënyrën e anëtarësimit si dhe koleksionet për fëmijë që ka në dispozicion biblioteka. Ajo u lexoi përralla të cilat fëmijët i dëgjuan me shumë kureshtje. Pastaj së bashku shpalosën disa libra me ilustrime.
Fëmijët ishin shumë kureshtarë për të mësuar më shumë për librat dhe u befasuan me numrin e madh të librave që ka biblioteka. Ata premtuan se do të regjistrohen në bibliotekë për të lexuar sa më shumë libra.