Sot, për vizitë në institucionin e bibliotekës erdhi drejtoresha e Kulturës së komunës së Prishtinës, znj. Arta Balaj. Në përcjellje të saj ishte edhe shefja e sektorit të kulturës znj. Lindita Hajdari. Me këtë rast, u pritën nga drejtori i bibliotekës z. Munish Hyseni me bashkëpunëtorë.
Z. Hyseni duke uruar znj. Balaj për marrjen e detyrës së drejtoreshës së kulturës, e njoftoi atë për zhvillimin e punës në bibliotekë. Me këtë rast, ai paraqiti të gjithë veprimtarinë kulturore të bibliotekës, brengat me të cilat ballafaqohet biblioteka, specifikat e aktiviteteve në fushën e kulturës dhe bashkëpunimit ndër-institucional me komunën dhe institucionet tjera.
Nga ana tjetër, znj. Balaj, u shpreh se, drejtoria e kulturës të cilën ajo e udhëheq do t’i qëndroj në përkrahje institucionit të bibliotekës, qoftë në projektet për libra, poashtu edhe në zhvillim të infrastrukturës.
Qëllimi i kësaj vizite kishte karakter të njohjes dhe informimit reciprok, me qëllim të bashkëpunimit dhe zhvillimit të sektorit të kulturës.