Sot, institucionin e bibliotekës e vizitoj znj. Sibel Halimi, drejtore e Drejtorisë së Kulturës të komunës së Prishtinës. Në përcjellje të saj ishte edhe udhëheqësja e sektorit të kulturës znj. Lindita Hajdari.
Gjatë kësaj vizite, u pritën nga znj. Fatime Mehmetaj u.d. drejtore e bibliotekës me bashkëpunëtorë.
Znj. Mehmetaj, duke uruar znj. Halimi për detyrën e drejtores së kulturës, e njoftoi për zhvillimin e punës në bibliotekë duke paraqitur të gjithë veprimtarinë kulturore të bibliotekës, të arriturat e institucionit, brengat me të cilat ballafaqohet biblioteka, specifikat e aktiviteteve në fushën e kulturës, bashkëpunimit ndër-institucional me komunën e Prishtinës, por edhe me institucionet tjera.
Nga ana tjetër, znj. Halimi u shpreh se, drejtoria e kulturës të cilën ajo e udhëheq, do t’i qëndroj në përkrahje institucionit të bibliotekës, si në projektet për libra, aktivitete të ndryshme në fushën e kulturës, por edhe në zhvillim të infrastrukturës.
Poashtu, znj. Halimi vizitoj të gjitha sektorët e bibliotekës dhe u njoh me punën e cila zhvillohet nëpër këto njësi punuese.
Qëllimi i kësaj vizite kishte karakter të njohjes dhe informimit reciprok, me qëllim të bashkëpunimit dhe zhvillimit të sektorit të kulturës.